15 Islamic Quotes in urdu

Islamic Quotes in urdu 

اس صفحے پر آپ کو islamic quotes ملیں گے، ہم آپ کی سہولت کیلئے quotes کو وال پیپر کی صورت میں بھی پیش کرتے ہیں اور ساتھ quotes ka text بھی لکھ دیتے ہیں تاکہ آپ اسے copy بھی کر سکیں، اب اس صفحے کو دوبارہ بھی ملاحظہ کیجیے گا، ہم اس میں اضافے کرتے رہتے ہیں۔ اگر آپ Hadees Sharif کے wallpapers دیکھنا چاہتے ہیں تو یہاں دیکھیں۔

Hadees in urdu text from Sahih Muslim  

Hadees in urdu text from imam bukhari book 

ناکامی

اگرآپ کسی شعبے میں ایک بار ناکام ہوجائیں تو دوبارہ کوشش کریں، پھر ناکامی ملے تو سہ بارہ کوشش کریں ، پھر نا کام ہو جائیں تو مزید چند بار کوشش کرلیں ، پھربھی  ناکامی ہی ملے توسمجھ جائیں، آپ اس کام کیلئے نہیں بنےاور اپنا شعبہ تبدیل کرلیں،  قدرت کا قانون ہے کہ آپ جس کام کیلئے نہیں بنے ہوتے ،وہاں وہ آپ کو باربار فیل کرتی ہےلیکن یاد رکھیں،ناکامی فضول چیز نہیں ہوتی بلکہ اس میں بہت کچھ ہوتا ہے، یہ آپ کو تجربہ دیتی ہے، سوچنے، سمجھنے کے نئے زاویے دیتی ہے،اگلا قدم اٹھانے سے پہلے ناکامی کے خدشات کو کم سے کم کرنے کا ہنر سکھاتی ہے،سب سے بڑھ کرحضرت علی ؓ  کے قول کے مطابق یہ خدا کی معرفت کا سبب ہے۔

احسان اللہ کیانی

کامل 

جب کوئی شخص سچا، حقیقی اور کامل مسلمان بن جاتا ہے تو اس بات سے ہمیشہ ڈرتا رہتا ہے کہ اس کی زبان یا ہاتھ سے کسی کو تکلیف پہنچے، اگر کبھی  غصے میں ایسا فعل سرزد ہو جائے، جس سے کسی کو تکلیف ہو تو ضرور معافی مانگتا ہے، اگر آپ بھی ایسے ہیں تو مبارک ہو، آپ سچے مسلمان ہیں، اگر ایسے نہیں ہیں تو ایسابننے کی کوشش کریں۔ 

سیاسی پارٹی 

آپ جس قدر اپنی سیاسی پارٹی کا دفاع کرتے ہیں، اس کے نظریے کو پھیلانے کی کوشش کرتے ہیں، اس کے لیڈر سے محبت کا اظہار کرتے ہیں اوراس کیلئے غضب ناک ہوتے ہیں،اگر نبی اکرم ﷺ کے نظریےاور مشن کے حوالے سے آپ کا عمل ویسا نہیں ہے،تو یہ سوچیے، کل بروز قیامت رسول اللہ ﷺ کو کیا جواب دیں گے، اگر انہوں نے یہ سوال کر لیا، کیا وہ لوگ تمہیں مجھ سے زیادہ عزیز تھے؟

دروازے 

اگر آپ گناہوں کی دلدل سے نکل کر نیک بننا چاہتے ہیں تو روزانہ ایک ایک برائی کا دروازہ بند کرتے جائیں، کچھ عرصے کی مسلسل محنت کے بعد آپ کے پاس موجود برائی کے تمام دروازے بند ہو جائیں گے،جب ایسا ہو جائے تو پھر آپ اپنا رخ نیکیوں کی طرف موڑ لیں  کیونکہ اب آپ کو کسی بند دروازے سے گناہ کی  دعوت نہیں آئے گی اور آپ مستقل اس راہ پر چل سکیں گے۔

نظریہ 

کچھ لوگ ایسے کرتے ہیں کہ پہلے ایک عقیدہ اور نظریہ بنا لیتے ہیں پھر قرآن کریم سے اس کے دلائل تلاش کرکے کہتے ہیں، دیکھو ہمارا نظریہ قرآن کے موافق ہے ،یہ قرآن  کریم کو اپنے نظریے کے تابع کرنے کے مترادف ہے، اگر آپ قرآن کریم سے ہدایت لینا چاہتے ہیں تو خالی الذہن ہو کر قرآن کریم  کو پڑھیں ، اس کی آیات جس نظریے کی ترغیب دیں وہ اپنا لیں اور جس کی مذمت کریں ، اس سے رُک جائیں۔

امت 

اگر آپ کی تحریر، تقریر اور تحقیق سے امت  میں نفرتیں بڑھ رہی ہیں اوراتحاد میں روکاٹیں پیدا ہورہی ہیں تو کسی خوش فہمی میں مبتلاء نہ رہیں کہ آپ دین کا کام کر رہے ہیں اور رسول اللہ ﷺ آپ سے خوش ہوں گے بلکہ ہوسکتا ہے کہ کل قیامت کے دن رسول اللہ ﷺ  آپ کا گریبان پکڑ کر پوچھیں ، میں تو تمہیں بھائی بھائی بنا کر گیا تھا، تمہیں اتفاق و اتحاد سے رہنے کا سبق پڑھا کر گیا تھا، تم نے کیوں اپنی باتوں سے میری امت کے ٹکڑے کر دیے،کسی خاندان کے بڑے سے پوچھیں ،اس کے بیٹوں میں نفرتیں پیدا کرنے والا اور انہیں دور کرنے والا اُسے کتنا برا لگتا ہے۔ 

پاکستانی معیشت 

ہم نے اپنی معیشت کی بہتری کیلئے غیروں کی جنگیں لڑیں،ان کے فوجیوں  کو  ٹھکانے دیے، انہیں اپنوں پر آسمان سے آگ بھرسانے کی اجازت دی، اپنے بندے بلکہ اپنی بیٹیاں تک پکڑ کر ان کے حوالے کیں، ہم نے مظلوم  مسلمانوں کیلئے کبھی آواز نہیں اٹھائی ، صرف اس لیے تاکہ کوئی ہم پر معاشی پابندیاں نہ لگا دے، یہ سب کرنے کے بعد بھی کیا ہم اپنی معیشت کو بہتر کر پائے ہیں،ہر گز نہیں، کاش ہم گوروں کے بجائےخدا کو راضی کرنے کی کوشش کرتے تو آج بہتر حالت میں ہوتے۔ 

 

فرض 

جو چیزیں فرض ہیں، اگر آپ انہیں ادا نہیں کریں گے اور ہزاروں نفلی عبادت اور مستحب کام کرتے رہیں گے تو قیامت کے دن آپ کی  پکڑ ہوگی کیونکہ اللہ تعالی فرمائے گا، جن چیزوں کا میں نے تم سے مطالبہ کیا تھا، تم نے انہیں ادا کیوں نہیں کیا،اسی لیے سب سے پہلے فرائض کی ادائیگی کریں۔

گناہوں سے اجتناب، ماں باپ کی اطاعت، نماز ،روزہ ،حج اور زکوۃ کی ادائیگی فرض ہیں۔

 

غفلت

زمانہ غفلت میں جتنی معمولی سے معمولی نیکی کا موقع ملے ہرگز نہ چھوڑیں کیونکہ یہی نیکیاں آئندہ  آپ کو صراط مستقیم پر

 لانےاور وہاں قائم رکھنے میں مدد کریں گی۔

(شیطان کے دھوکے ،مضمون سے اقتباس)

پیغام الہی

اللہ تعالی جب آپ کو کوئی بات سمجھانا چاہتا ہے یا آپ کی طرف کوئی پیغام پہنچانا چاہتا ہے تو وہ آپ سے براہ راست مخاطب  نہیں ہوتا، نہ ہی وہ آپ کی طرف جبریل کو بھیجتا ہےبلکہ وہ اپنی بات آپ کے دل میں ڈال دیتا ہے یا  آپ کو خواب میں کچھ دکھا دیتا ہے،اس لیے اپنے دل کی باتوں اور خوابوں کو ہرگز نظر انداز نہ کریں کیونکہ یہ پیغام الہی کے ذرائع ہیں۔

ناشکری

حضرت امام حسن بصری رحمۃ اللہ علیہ فرماتے ہیں:

جب نعمت کی نا شکری کی جاتی ہے تو اللہ تعالی  اسی نعمت کو عذاب بنا دیتا ہے۔ 

(الدر المنثور)

کمزوری

حضرت حلیمہ رضی اللہ عنھا بہت کمزور تھی، ان کا دودھ کم تھا، انہیں کوئی عورت اپنا بچہ دینے کو تیار نہیں تھی،اس وجہ

 سے حضرت حلمیہ کو مجبورا ایک یتیم بچے کو دودھ پلانے کیلئے لے کر جانا پڑا  لیکن اسی بچے نے ان کا مقدر بدل دیا۔ یاد رکھیں!بعض کمزوریاں بہت مفید ہوتی ہےلیکن ان کا فائدہ اپنے وقت پر ظاہر ہوتا ہے، اس لیے خدا سے گلے شکوے نہ کریں،ہوسکتا ہے آپ بڑے فائدے سے محروم ہو جائیں۔ 

احساس

نبی کریم علیہ السلام جب نماز کی امامت کرواتے  تھے، اس دوران کسی بچے کے رونے کی آواز آتی تو نماز کو مختصر کر دیتے تھے تاکہ اس کی ماں کو تکلیف نہ ہو۔

(یہ حدیث صحیح بخاری میں ہے)

دوسروں کی تکلیف کا ایسا ہی احساس ہر امتی کے دل میں ہونا چاہیے۔

پتھر

اگررسول اکرم صلی اللہ علیہ وآلہ وسلم نے قیامت کےدن آپ سے پوچھ لیا،میں نے طائف میں جس دین کیلئے پتھر کھائے تھے، تم  نے اس دین کی حفاظت، پھیلاؤ اور غلبےکیلئے کتنا کام کیا تھا؟

تو کیا جواب دیں گے؟ 

(ہر صبح و شام یہ سوال خود سے پوچھ لیا کریں)

خرافات

نیو ائیر نائٹ، اپریل فول، ویلنٹائنز ڈے اور اس قسم کی سینکڑوں خرافات سے ہمیشہ کیلئے جان چھڑانے کا ایک طریقہ یہ ہے کہ  اسلامی کلینڈر نافذ کر دیا جائے، کیونکہ اُس کلینڈر  میں  وہ تاریخیں ہی نہیں آتی جن میں یہ خرافات ہوتی ہیں۔ 

(اسلامی نظام ہی تمام مسائل کا حل ہے)

ایمان شکن 

دنیا  کے پجاری، مال و دولت کے بھوکےاورشہرت کے لالچی کوسینکڑوں کتب، ہزاروں مرشد اور درجنوں استاد بھی ہدایت

 کی راہ پر نہیں چلا سکتے،جب تک وہ خود ان ایمان شکن فتنوں سے 

منہ نہیں موڑتا۔

(دنیا کی محبت ہر برائی کی جڑ ہے۔حدیث)