Namaz momin ki meraj hadees hai ya nai ?

نماز مومن کی معراج ہے،اس حوالے سے چند اہم سوالات کے جوابات آپ کو اس تحریر میں ملیں گے، اگر یہ تحریر مفید لگے تو اسے دوسروں تک بھی پہنچا دیجیے گا، اس تحریر میں آپ کو درج ذیل سوالوں کے جوابات ملیں گے۔

 

  • نماز مومن کی معراج ہے،اس کے عربی الفاظ کیا ہیں ؟
  •  اس حدیث کا نمبر کیا ہے ؟کیا یہ کسی معتبر  حدیث کی کتاب  میں ہے ؟
  • نماز مومن   کی معراج ہے اس  کا حوالہ کیا ہے؟
  • نماز مومن کی معراج ہے حدیث ہے یا نہیں ؟
  • نماز مومن کی معراج ہے کیا  یہ معنی کے اعتبار سے صحیح ہے ؟
  •  

ہم(احسان اللہ کیانی ڈاٹ کام ) پر ان تمام کےجوابات ترتیب وار دے رہے ہیں۔

 


نماز مومن کی معراج ہے کی عربی عبارت | Namaz momin ki meraj in arabic 

نماز مومن کی معراج ہے اس کی اصل عربی عبارت یہ ہے

الصلاة معراج المؤمن

 

نماز مومن کی معراج ہے  کا حدیث نمبر | Namaz momin ki meraj hadees number

ہمیں تلاش کے باوجود کسی حدیث کی کتاب میں  یہ روایت نہیں ملی البتہ چند دیگر کتب میں یہ روایت موجود ہے۔

 

 

نماز مومن کی معراج ہے  کا حوالہ | Namaz momin ki meraj hai hadees reference

امام فخر الدین رازی رحمۃ اللہ علیہ نے اسے تفسیر کبیر میں بطور حدیث ذکر کیا ہے،  اسی طرح علامہ نظام الدین نیشاپوری نے اسے اپنی تفسیر غرائب القرآن و رغائب الفرقان میں بطور حدیث ذکر کیا ہے،  تفسیر روح البیان میں اسے بطور حدیث ذکر کیا گیا ہے، تفسیر مظہری میں اسے بطور حدیث ذکر کیا گیا ہے،اسی طرح  شرح سنن ابن ماجہ میں بھی اس کو بطور حدیث ذکر کیا گیا ہے ۔

 

نماز مو من کی معراج ہے حدیث ہے یا نہیں ؟ | Namaz momin ki meraj hai hadees hai ya nai 

نماز مومن کی معراج ہے یہ شاید حدیث ہی  نہیں ہےکیونکہ یہ  روایت کسی حدیث کی معتبر کتاب میں نہیں ہے،فقط چند تفاسیر میں ہے اور وہاں بھی بلا سند ہے، اسے بہت سے محتاط علماء نے بطور قول کے ذکر کیا ہے۔

مثال کے طور پر

ملا علی قاری نے مرقاۃ المفاتیح میں اسے یوں ذکر کیا ہے :

وَلِهَذَا وَرَدَ: الصَّلَاةُ مِعْرَاجُ الْمُؤْمِنِ

ترجمہ:

اسی وجہ سے واردہوا ہے کہ نماز مومن کی معراج ہے ۔

 

دوسرے مقام پر یوں ذکر کیا ہے:

وَلِذَا قِيلَ: الصَّلَاةُ مِعْرَاجُ الْمُؤْمِنِ

ترجمہ:

اسی لیے کہا گیا ہے نماز مومن کی معراج ہے۔

 

 جامعہ بنوریہ کا فتوی | Jamia binoria fatwa 

اس حوالے سے جامعہ بنوریہ کراچی کی ویب سائٹ پر ایک فتوی بھی ہے جس میں انہوں نے کہا ہے کہ صحیح قول کے مطابق یہ حدیث نہیں بلکہ کسی بزرگ کا قول ہے، انہوں نے وہاں یواقیت غالیہ کتاب کا حوالہ بھی ذکر کیا ہے،جس میں لکھا ہے کہ نماز مومن کی معراج ہے اس حوالے سے عوام کی زبان پر یہ بات مشہور ہے کہ یہ مرفوع حدیث ہے ، یواقیت غالیہ کے مصنف کہتے ہیں ،میں  بہت تلاش کرنے کے باوجود اس  کی کوئی سند کو نہیں تلاش کر سکا ،اس سے ظاہر ہوتا ہے ،یہ اسلاف کے کلام  میں سے ایک قول ہے،حدیث شریف نہیں ہے ۔

اس حوالے سے دار العلوم دیوبند کا بھی فتوی یہی ہے کہ یہ حدیث نہیں ہے ۔

 

کیا اس کا معنی صحیح ہے ؟ 

نماز مومن کی معراج ہے ،یہ جملہ معنی کے اعتبار سے صحیح ہے، اس  کو  بطور حدیث بیان کرنا جائز نہیں  یعنی یوں نہیں کہنا چاہیے کہ رسول اللہ صلی اللہ علیہ وآلہ وسلم نے فرمایا نماز مومن کی معراج ہے،البتہ اسے بطور قول بیان کیا جا سکتا ہے ۔

 

تحریر کا خلاصہ:

نماز مومن کی معراج ہے ،یہ بات کسی حدیث کی معتبر کتاب میں نہیں ہے البتہ کچھ تفاسیر میں اس کا تذکرہ ہے،وہاں بھی اس کی کوئی سندموجود نہیں ہے، اس حوالے سے جامعہ بنوریہ اور دار العلوم دیوبند کا فتوی ہے کہ یہ حدیث نہیں ہے بلکہ کسی بزرگ کا قول ہے البتہ یہ معنی کے اعتبار سے درست جملہ ہے، اس لیے اسے بزرگ کے قول کے طور پر بیان کرنے میں حرج نہیں ہے ۔

  

تبصرے